རྫོགས་ཆེན་གྲུབ་དབང་སྐུ་ཕྲེང་གཉིས་པ་འགྱུར་མེད་ཐེག་མཆོག་བསྟན་འཛིན་ནི་ཁམས་རྫོགས་ཆེན་དགོན་པའི་མཁན་རབས་གསུམ་པ་ཡིན་ཞིང་། ཕྱི་ལོ་༡༧༢༦ ནས་སྐུ་དགོངས་པ་མ་རྫོགས་པའི་དུས་ཡུན་ཐུང་ངུའི་བར་མཁན་པོའི་ཁྲི་ལ་བཞུགས། ཁོང་གི་མཁན་པོའི་ལས་ཡུན་ནང་གི་ཕྱི་ལོ་༡༧༥༣ ལོར་དགོན་པར་མེའི་འཇིགས་པ་ཆེན་པོ་བྱུང་བར་བསྐྱར་བཞེངས་ཉམས་གསོ་དཔྱིས་ཕྱིན་མཛད། དེ་བཞིན་ཕྱི་ལོ་༡༧༢༩ ལོར་སྡེ་དགེ་པར་ཁང་གསར་འཛུགས་ཐད་མཐུན་འགྱུར་གང་འོས་གནང་། ཁོང་ནི་རྫོགས་ཆེན་དགོན་གྱི་མཁན་རབས་གཉིས་པའི་གོ་དབང་འཛིན་པ་རྫོགས་ཆེན་དཔོན་སློབ་སྐུ་ཕྲེང་དང་པོ་ནམ་མཁའ་འོད་གསལ་གྱི་ཐུགས་སྲས་ཡིན་ཞིང་། དབུས་ཁུལ་གྱི་རྙིང་མའི་བླ་མ་གཙོ་ཆེ་བ་གཏེར་བདག་གླིང་པ་དང་ལོ་ཆེན་དརྨ་ཤྲཱི་སོགས་ཀྱི་དྲུང་ནས་ཀྱང་རབ་བྱུང་གི་སྡོམ་པ་དང་ཆོས་ཀྱི་ཁྲིད་ལུང་སོགས་མང་དུ་ཞུས།
དཔྱད་གཞིའི་ཡིག་ཆ་ཁག།
Bstan ’dzin lung rtogs nyi ma. 2004.Snga ’gyur rdzogs chen chos ’byung chen mo (snga ’gyur grub dbang rgyal ba rdzogs chen pa’i gdan rabs chos brgyud dang bcas pa’i byung ba brjod pa’i gtam yid bzhin dbang gi rgyal po’i phrang ba).Krong go’i bod rigs dpe skrun khang, pp. 333-336.
Ye shes rdo rje. 1996. Gangs can mkhas dbang rim byon gyi rnam thar mdor bsdus bdud rtsi'i thigs phreng.Beijing:Krung go'i bod kyi shes rig dpe skrun khang, vol. 2, pp. 197-205.
Gu ru bkra shis. 1990.Gu bkra'i chos 'byung. Beijing: Krung go'i bod kyi shes rig dpe skrun khang, pp. 765-817.
Mgon po dbang rgyal. 2000.Rgyal rabs lo tshigs shes bya mang 'dus mkhas pa'i spyi nor. Beijing: Mi rigs dpe skrun khang, p. 365.
Mi nyag mgon po et. al. 1996.Rdzogs sprul 'gyur med theg mchog bstan 'dzin gyi rnam thar mdor bsdus. InGangs can mkhas dbang rim byon gyi rnam thar mdor bsdus. Beijing: Krung go'i bod kyi shes rig dpe skrun khang, vol. 2, pp. 197-205. TBRC W25268
Rdzogs sprul skal bzang. N.d.Rdzogs chen dgon dang rdzogs chen rim byon gi lo rgyus. No publishing information available.