The Dzongsar Khyentse incarnation line is the primary incarnation line that originated with Jamyang Khyentse Wangpo. It is based at Dzongsar Monastery in Kham.
Biographies
Jamyang Khyentse Wangpo
b.1820 - d.1892
ཀུན་མཁྱེན་འཇམ་དབྱངས་མཁྱེན་བརྩེ་དབང་པོ་ནི། དུས་རབས་བཅུ་དགུ་པའི་བོད་བརྒྱུད་ནང་བསྟན་གྱི་བླ་མ་མཚན་སྙན་ཆེ་བ་ཞིག་སྟེ། ས་དགེ་བཀའ་རྙིང་བོན་དང་བཅས་པ་རིས་སུ་མ་ཆད་པའི་བླ་མ་བརྒྱ་ཕྲག་ཕྱེད་དང་གཉིས་ཀྱི་ཞབས་ལ་གཏུགས། དུས་རབས་བཅུ་དགུ་པའི་སྨད་ལ་ཁོང་གི་ཞལ་སློབ་ཏུ་བོད་མདོ་ཁམས་ཁུལ་གྱི་བླ་སྤྲུལ་སོགས་སྐྱེ་ཆེན་དམ་པ་གྲངས་ལས་འདས་པ་བྱོན། དཔལ་ས་སྐྱ་ངོར་གྱི་ཡན་ལག་ཏུ་གྲགས་པ་རྫོང་སར་དགོན་པ་རང་གི་གདན་ས་མཛད་དེ་དབུས་སུ་ལན་གཉིས་ཙམ་དང་མདོ་ཁམས་ཡུལ་གྲུ་ཁག་ལ་ལན་མང་ཞབས་ཀྱིས་བཅགས། འཇམ་མགོན་ཀོང་སྤྲུལ་དང་གཏེར་སྟོན་མཆོག་གྱུར་གླིང་པ་རྣམ་གཉིས་དང་ལྷན་དུ་རྒྱལ་བའི་བསྟན་པ་རིན་པོ་ཆེར་དག་ཐེར་ལེགས་བཅོས་སོགས་ཀྱི་བྱ་བ་རླབས་ཆེན་མཛད་པའི་སྨིན་འབྲས་དུས་ད་ལྟའང་ཚོར་ཐུབ་པ་ཡིན། ཁོང་ནས་འཇམ་མགོན་ཀོང་སྤྲུལ་གྱིས་མཛད་པའི་མཛོད་ཆེན་ལྔ་དང་། དེ་བཞིན་མཆོག་གྱུར་གླིང་པས་བཏོན་པའི་གཏེར་མ་ཕྱོགས་བསྒྲིགས་པར་སྐྲུན་སོགས་ཀྱི་ཐད་མཐུན་འགྱུར་རྒྱ་ཆེར་བསྒྲུབས། འཇམ་དབྱངས་མཁྱེན་བརྩེ་དབང་པོ་ནི་འཇམ་མགོན་ཀོང་སྤྲུལ་གྱིས་གཏེར་སྟོན་རྒྱལ་པོ་ལྔའི་ཐ་མར་བགྲངས།
The Second Dzongsar Khyentse, Jamyang Khyentse Chokyi Lodro
b.1893 - d.1959
རྫོང་སར་མཁྱེན་བརྩེ་ཆོས་ཀྱི་བློ་གྲོས་ནི། དུས་རབས་ཉི་ཤུ་པའི་འགོ་སྟོད་དུ་ཁམས་ཕྱོགས་སུ་ཤུགས་རྐྱེན་ཆེན་པོ་བཞག་ཡོད་པའི་བླ་མ་གྲགས་ཅན་ཞིག་ཡིན། འཇམ་དབྱངས་མཁྱེན་བརྩེ་དབང་པོ་ལ་ཡང་སྲིད་སྤྲུལ་སྐུ་དུ་མ་ཡོད་པ་ལས། དམ་པ་འདི་ཉིད་ཀྱིས་རྫོང་སར་དགོན་པའི་ཁྲི་པ་མཛད་དེ་དགོན་པ་རྒྱ་བསྐྱེད་བཏང་ཞིང་། ཕྱི་ལོ་༡༩༡༨ ལོར་ཁམས་བྱེ་བཤད་གྲྭ་གསར་དུ་བཙུགས། དེ་ནས་ཕྱི་ལོ་༡༩༥༥ བོད་རྒྱ་དམར་གྱིས་བཙན་འཛུལ་བྱེད་སྐབས་སྦས་ཡུལ་འབྲས་མོ་ལྗོངས་སུ་བྲོས་བྱོལ་ལ་ཕེབས། མཐར་ཕྱི་ལོ་༡༩༥༩ ལོར་དགོངས་པ་མྱ་ངན་ལས་འདས་སོ།།
